Thursday, May 22, 2008

صباحك يابلدى - شعر ميسرة صلاح





صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك

وأمسى وأسبلك سريري

وأبات ع الرصيف . .

3 comments:

z!zOoOo said...

أزيك يا محارب واحشنى

قصيده بسيطه متغمسه بالوطنيه والبساطه المصريه الشعبيه

صحيح ازاى بتشكرنى على زياره بيتك

ده اصلا بيتى انا كمان انا بحب مدونتك جدا

ومن اول المدونات الى بدخلها لما بدخل نت

بحس بدفء فى مدونتك الجميله جدا

بجد روعه

وانابتسعدنى زيارتك جدا

ولا انت مش عايزينى ابقى سعيد

دمت بكل ود ايها المحارب

وفي رعايه الله

محمد أبو الفتوح غنيم said...

رائعة جدا

تشرفت بمروري هنا

تحية عطرة

:)

kareem azmy said...

اختياراتك رائعة يا عم بيدو