وإحنا لسه في إبتدائي
وسط اوراقى القديمة
اللى لسه منها باقى
شوفت صورتى بين زميلى
و احنا لسه فى إبتدائي
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقي
هو صاحبى لما كان فى الدنيا صاحب
اما دول كانوم جيرانى
كل واحد فينا حقق
جزء من بعض الأمانى
ا ما دى الشاطرة البليدة
العنيدة أم الضفاير
تبقى حبى الأولانى
أد ايه حزنت عليها
لما راحت فصل تانى
ما احنا كنا تخته واحده
فى تانيه تالت
مره قلت
و هى قالت
لما مدت ايدها شالت
دمعة وقعت غصب عنى
جوه كراسة الحساب
كنا لسه صفحه بيضه فى الكتاب
الوشوش كانت بسيطه
طاهرة لكن مش عبيطه
نرسم الأحلام خريطة
فى قلبها نقطة تلاقى
واحنا لسه فى أبتدائي
6 comments:
حلوه قوى قوى والظاهر انك بتحب على سلامه جدا
واحشنى ياراجل يا طيب
ان شاء الله قريب هبقى معاكم من تانى لغايه ما تزهقوا منى
يارب تكون بخير ودمت فى رعايه الله
كلام لذيذ جداً
وخصوصا
الوشوش كانت بسيطة
طاهرة لكن مش عبيطة
ياااااااه
حلوه قوي
تحياتي
مرحبا صديقي...وشكرا على الزيارة
مدونة جميلة وممتعة...أعجبتني هذه الكلمات الحلوة باللهجة المصرية
ابداع جميل وراق...تحياتي أخي
اهلين ماستر نينو
ايام الطفوله هي اساس حياتنا المستقبلية..كم كنا سذجا لكن طيبون..كم كنا صغار لكن احلامنا كبيره..
جميل الشعر و وصف حال الطفوله و البراءه فينا..مثلي او مغاير كلنا سواسيه في تلك المرحلة..احلامنا اجتمعت على شيئ واحد كلمة: (لما اكبر حاعمل...) لكن من الذي حقق احلامه و كل ما يتمناه..قلة فينا..انشاء الله تكون انت منهم صديقي..سلام
انا كده هبدأ اقلق
مفثيش زيارات مفيش موضوعات جديده
يارب يكون المانع خير وترجعلنا يا محارب
فينك يا راجل يا طيب
هستناك تطمنى عليك وأوعى تغيب
أبنك أو أخوك المحارب الصغير
جميلة اوي
تحياتي
Post a Comment