Saturday, July 26, 2008

كان نفسى تحبنى - قصيده بالعامية ايمان زمرده




كان نفسى تحبنى
يا حبيبى وحشتنى
وكلامك كسر قلبى
تصدق جرحتنى
كان نفسى تقولها ليا
اتملت دموع عنيا
وجرحك علم فيا
بس قلبك هزنى
كانت ليله ضلام
لما قولتلى الكلام
وعينى مش بتنام
فكرت قلبك حبنى
كان نفسى اعيش معاك
وادوب انا فى هواك
ورموش عينى فداك
كان نفسى تحبنى
مقولتش حقيقة هوايا ليك
وعمرى ما صارحت عنيك
بس قلبك حسنى
سبتنى لليالى الجراح
بحقيقة خليتك ترتاح
يالى قلبى حب هواك
وقلبك عمرة ما حبنى
بجيب صورتك وابصلها
واقعد لوحدى واغنيلها
وعنيك اقرب منها
والله وحشتنى
كنت عارفة حقيقة هواك
وعارفة الى جواك
بس غصب عنى قلبك شدنى
بتمنالك الخير
يالى دويتنى وجرحتنى
مسامحة قلبة يا ليل
قلب عمرة ما حبنى
حبيبى عارفاك بتعزنى
اه كان نفسى تحبنى

Thursday, July 10, 2008

وإحنا لسه في إبتدائي -شعر على سلامة



وإحنا لسه في إبتدائي

وسط اوراقى القديمة

اللى لسه منها باقى

شوفت صورتى بين زميلى

و احنا لسه فى إبتدائي

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقي

هو صاحبى لما كان فى الدنيا صاحب

اما دول كانوم جيرانى

كل واحد فينا حقق

جزء من بعض الأمانى

ا ما دى الشاطرة البليدة

العنيدة أم الضفاير

تبقى حبى الأولانى

أد ايه حزنت عليها

لما راحت فصل تانى

ما احنا كنا تخته واحده

فى تانيه تالت

مره قلت

و هى قالت

لما مدت ايدها شالت

دمعة وقعت غصب عنى

جوه كراسة الحساب

كنا لسه صفحه بيضه فى الكتاب

الوشوش كانت بسيطه

طاهرة لكن مش عبيطه

نرسم الأحلام خريطة

فى قلبها نقطة تلاقى

واحنا لسه فى أبتدائي

مــــــــــــــــــرايا - شعر على سلامة



مــــــــــــــــــرايا

قلت أبص ف المرايا

يمكن أكون إحلويت

فضلت داير أبص

مخلتش ولا مرايا ف البيت

في الحمام ف الأودة ف دولاب

أو متعلقة ع الحيط

شوفت .. سكت شويه

وبعدين إتخضيت

معقول أنا قضيت العمر ده كله

وزي ما روحت زي ما جيت

معقول أنا عمري مافكرت

ولا إتغيرت ولا حبيت

وإزاي ساكت علي روحي ده كله

وليه إستنيت

يا ريتني ما كان عندي مرايا

وياريتني ما بصيت

Monday, July 7, 2008

لا تـنــــدم






لا تـنــــدم





لا تندم على اهتمام صادق اعطيته لمن لم يقدره

فهذا افضل من ان تندم على انك منعت هذا الاهتمام عن شخص كان يحتاجه



لا تندم على وقت ضاع من عمرك فى تجربة تعلمت منها درسا مفيدا

فهذا افضل من ان تندم على ضياع عمرك كله دون ان تتعلم شىء


لا تندم على جرح كرامتك محاولا استعادة علاقة انسانية رفض الطرف الاخر اصلاحها

فهذا افضل من ان تندم على علاقة كنت انت السبب فى خسارتها



لا تندم على فرصة صنعت فيها الخير لشخص رده لك شرا

فهذا افضل من ان تندم على فرصة ضاعت لم تصنع فيها خيرا





لا تندم على غفران منحته من قلبك لمن اساء اليك بشدة فهذا

افضل من ان تندم على اساءة فعلتها انت فى حق شخص و لم يغفرها لك



رب اغفر لي ولوالدي والمسلمين والمسلمات يوم يقوم الحساب

اللهم ارحم موتانا وموتى المسلمين

واشفى مرضانا ومرضى المسلمين

وصلى الله وسلم وبارك على سيدنا محمد وعلى اّله وصحبة وسلم تسليما كثيرا والحمد لله رب العالمين